Yuru Official Web Site

16 na taon na ang lumipas mula nang magsimula ako, at ngayong taon ay magiging 41 na ako.
Ito na ang gitnang bahagi ng aking buhay.
Araw-araw kong nararamdaman na limitado na ang oras na maari kong ibigay sa musika gaya ng dati.

Ang kabuuang followers namin sa SNS ay mahigit 3 milyon, ngunit kung titingnan ang katotohanan, kahit tinatawag ko ang sarili kong musikero, wala pa akong tunay na nakamit na karapat-dapat sa bilang na iyon.

Kailangan kong malinaw na tanggapin na ang pagkakaroon ng “followers” ay hindi nangangahulugang sikat ka o may tunay na “popularity.”

May mga pagkakataon na nagbulag-bulagan ako at nagpanggap na sikat ako.
Siguro dahil gusto ko lang magmukhang “cool” at magaling sa paningin ng iba.

Ngunit tuwing naiisip ko kung ano ang sasabihin ng batang “ako”—noong nagsisimula pa lang mangarap sa mundong ito—tuwing naiisip ko ‘yun, nahihiya ako sa sarili ko.

Ang aking magkasalungat at munting pride ang siyang naging dahilan kung bakit ang mga salitang pinaka-gusto kong iparating—na “sana ay manalo ang mga taong nabubuhay para sa iba”—ay naging tila mga palamuting salita na lamang.

Kaya ngayon, buong puso kong tinatanggap kung nasaan man ako, at muling haharap sa musikang mahal na mahal ko.

Salamat nang marami sa inyong lahat na laging sumusuporta sa akin! Taos-puso akong nagpapasalamat.
Dito ko na muling sisimulan ang aking paglalakbay, kasama ang Yuru.

Sa January 20, i-e-ere ang aming pinakabagong kanta sa programang “intense!” ng FM Osaka sa Japan.
Magbibigay ako ng higit pang detalye sa mga susunod na araw.